Во прекрасниот амбиент на амфитеатарот при Домот на култура „Илинден“ во општина Илинден, се одржа единаесеттото издание на Меѓународниот фолклорен фестивал „Св. Троица“. Организатор на фестивалот е КУД „Гоце Марковски“ од Долно Лисиче, под покровителство на Општина Илинден.
Со положување свежо цвеќе пред бистата на Браќа Миладиновци, основното општинско училиште „Браќа Миладиновци“ во Миладиновци го одбележа патрониот празник. Настанот беше одбележан со достоинствена церемонија на која присуствуваа градоначалникот на општина Илинден Александар Георгиевски, директорот на училиштето Дарко Петковски, пратеничката Драгана Бојковска, како и директори на други образовни институции и на јавните претпријатија.
Детската градинка „Гоце Делчев“ од општина Илинден со свечена завршна приредба испрати уште една генерација дечиња кон ново животно поглавје – првото одделение. Идните првачиња преку драмски претстави, песна и танц им се заблагодарија на своите воспитувачки за љубовта, трпението и знаењата стекнати во градинката.
Во духот на православната традиција, денес во oпштина Илинден беше одбележан празникот на светите рамноапостоли Константин и Елена. По тој повод, во црковниот храм кој го носи нивното име – „Св. Константин и Елена“ – се одржа света литургија, на која чиноначалствуваа Архиепископот Охридски и Македонски г.г. Стефан и преосветениот Епископ Дељадровско-Илинденски г. Јоаким со…
Во домот на култура Илинден се одржа централна манифестација од програмата на „Денови на култура во општина Илинден 2025“. Изминативе денови исполнети со литература, поезија и уметност, беа скрасени со пишаното слово на најреномираните поети од македонската и странска авторска сцена, како и со истакнати солисти од Националната опера и балет.
Со отворање на ликовната изложба на тема „Пролетно уживање“ на младата Марта Патлиџанкова, официјално започна 26-та манифестација „Денови на култура во општина Илинден“. Делата на оваа млада уметница се изложени во Домот на култура Илинден, каде присутните можат да уживаат во разноликоста и убавината на нејзините дела. Делата кои го красат просторот се изработени со…