Во основното училиште „Ристо Крле“ во населеното место Кадино, заедно со подрачните училишта од Мралино и Бунарџик, во свечена и пријатна атмосфера беше одбележан патрониот празник на училиштето. Настанот изобилуваше со бројни активности преку кои учениците ја изразија својата креативност и љубов кон знаењето.
По повод 23 Октомври, Денот на македонската револуционерна борба, во населеното место Миладиновци се одржа пригоден настан со кој достоинствено беше одбележан овој значаен историски датум. Со положување свежо цвеќе пред споменикот на македонскиот револуционер Васил Стојанов-Аџаларски, присутните изразија почит кон неговата херојска борба за слободна татковина.
Општина Илинден континуирано вложува во уредување и модернизација на јавниот простор во сите населени места, создавајќи современи и пријатни локации за квалитетно поминување на слободното време на граѓаните. Во таа насока, во населеното место Марино е изграден нов урбан парк со повеќе содржини.
Одбележан патрониот празник на Општина Илинден „Илинден 2-ри Август” и националниот празник на македонскиот народ со пригодна свеченост и настап на музички гости.
Во рамки на одбележувањето на патрониот празник на Општина Илинден – „Илинден 2-ри Август“, беше организирана стенд ап комедија со еден од најпознатите македонски комичари, Бојан Велевски. Со насмевки и гласна смеа, настанот се одржа во амфитеатарот на Средното општинско училиште „Илинден“ и привлече голем број граѓани од сите возрасти.
На ден 25.07.2025 година (петок) со почеток во 20:00 часот, во амфитеатарот во комплексот на Домот на култура „Илинден“, во населба Илинден на свечен начин ќе биде одбележан патрониот празник на Општина Илинден “Илинден 2-ри Август“ и националниот празник на македонскиот народ.