Детската градинка ,,Гоце Делчев” од општина Илинден со завршна приредба испрати уште една генерација во прво одделение. Со драмска претстава, песна и игра идните првачиња, кои од септември ќе седнат во училишните клупи, се поздравија со своите воспитувачки.
Во присуство на голем број верници во новоизградениот црковен храм Св. Константин и Елена во Општина Илинден, се одржа литургија на која чиноначалствуваа Архиепископот Охридски и Македонски г.г. Стефан и преосветениот Епископ Дељадровско-Илинденски г. Јоаким со повеќе свештенослужители, по повод големиот христијански празник Свети Константин и Елена.
Во знакот на фолклорот и традицијата учениците од ООУ „Гоце Делчев” со бројни активности и културно уметничка програма го одбележаа патронатот на училиштето и 121. годишнина од смртта на македонскиот револуционер Гоце Делчев.
Со положување свежо цвеќе пред бистата на Браќа Миладиновци беше одбележан патрониот празник на ООУ „Браќа Миладиновци“ во Миладиновци. Цвеќе положија градоначалникот на Општина Илинден, Александар Георгиевски, дирекротот на ООУ Браќа Миладиновци Дарко Петковски, директори на училишта, јавните претпријатија, здруженија.
„Интимно соѕвездие” беше насловот на поетската вечер посветена на современата македонска љубовна поезија, во Домот на култура „Илинден” со која беа заокружени Деновите на културата во општина Илинден.
Со одржување на низа настани во Домот на култура Илинден започна традиционалната 25-та манифестација Денови на културата во општина Илинден”.