Приоритет во работењето на општина Илинден во областа на патната инфраструктура е превенцијата во сообраќајот, односно зголемувањето на безбедноста на учесниците во сообраќајот, особено на најзагрозената категорија – пешаците и велосипедистите.
Општина Илинден продолжува со реализација на проектот „Илинден-Светла Општина”, кој опфаќа проширување и модернизација на уличното осветлување, со поставување на нови линии на улиците во сите населени места, поставување на електрични столбови, зголемување на бројот на електрични светилки и тековно одржување на јавното осветлување.
Деновиве на повеќе локации во општина Илинден извршено е поставување на хоризонтална и вертикална сообраќајна сигнализација, со цел подобрување на безбедноста на учесниците во сообраќајот. Во тие рамки се реализира проектот за подобрување на сообраќајната сигнализација на постојните улици во општина Илинден.
Се известуваат граѓаните на општина Илинден дека на ден вторник 21.12.2021 година, улицата „532” во н.м Марино, ќе биде затворена за сообраќај, поради изведба на градежни активности (асфалтирање). Ги замолуваме сите учесници во сообраќајот да ги користат алтернативните улици и патишта.
Општина Илинден почна со реализација на капиталниот проект за изградба на фекална канализација во делот на населба Јака и околината, во должина од околу 7600 метри, а со изградбата на фекалната канализација ќе бидат опфатени сите домаќинства од тој дел на Општината.
По констатираната нефункционална сообраќајна сигнализација на ден 14.12.2021г. на железничката пруга на влезот во општина Илинден, локалната самоуправа веднаш реагираше и испрати барање до Македонски Железници, стручните служби да извршат комплетна проверка и контрола на железничкиот премин.