Учениците од ООУ „Гоце Делчев” во општина Илинден добија нов опремен кабинет по природни науки (биологија, хемија, физика, математика и природни науки).Кабинетот е опремен со нов мебел, прибор за работа, коишто се очекува да придонесат за квалитетен, современ образовен процес, но и да ја поттикнат истражувачката работа на учениците.
Во соработка со Црвениот крст и Институтот за трансфузиона медицина, во просториите на Домот на култура „Илинден” се одржа крводарителна акција на која граѓаните од општина Илинден уште еднаш ја покажаа својата хуманост на дело со дарување на крв.
Во Домот на култура „Илинден” во општина Илинден се одржа настан по повод одбележувањето на Март-месецот на бубрегот, во организација на Здружението на бубрежно болни граѓани Ренална Поддршка-Кавадарци. Целта на одбележувањето е подигање на јавната свест за важноста на бубрезите.
Во рамките на просториите на Општина Илинден денеска е отворена канцеларија на Меѓуопштинскиот центар за социјална работа Скопје. На отворањето присуствуваа градоначалникот на Општина Илинден, Александар Георгиевски и директорот на Меѓуопштинскиот центар за социјална работа Скопје, Лиридон Бафтији.
На влезот во Домот на култура „Илинден” поставена е спомен плоча на паднатите борци во Народноослободителната војна и револуција што ги даде населеното место Илинден од 1941-1945 година.
Општина Илинден интензивно работи на реализација на капиталниот проект за изградба на колекторски систем во должина од 5000 метри, покрај Главниот отворен канал, којшто минува низ населените места Илинден и Марино, што ќе ги зафати отпадните фекални води што се испуштаат во одводниот канал.