Во рамките на деновите на културата во општина Илинден и Литературната манифестација „Илинден 2022“ во Домот на култура „Илинден“ се одржа традиционалното Литературно матине за деца на кое учениците од општина Илинден имаа можност да се дружат со најистакнатите македонски писатели за деца и млади.

Како дел од Програмата за заштита на населението од заразни болести за 2022 година, извршена е редовна пролетна дератизација за уништување на глодарите и дезинфекција на јавните објекти на територијата на Општината. Со дератизација се опфатени 662 шахти што се наоѓаат на јавните површини во Општината.

Градоначалникот на општина Илинден, Александар Георгиевски, во својство на претседател на Советот за социјална заштита на Скопскиот плански регион, ја отвори Работилницата за развој на социјални услуги на регионално ниво.