На централната манифестација од одбележувањето на големиот христијански празник Богојавление-Водици, Кристијан Ангеловски од Илинден беше најсреќен меѓу големиот број верници што денеска скокаа во студените води на езерото кај хотелот Белви и го извади светиот крст.
Младиот Кристијан кој осми пат учествива, оваа година за прв пат успеа да го фати светиот крст.
По излегувањето од водата Кристијан беше даруван од градоначалникот на Општина Илинден, Александар Георгиевски, и неколку спонзори на манифестацијата. Градоначалникот Георгиевски му се заблагодари на Кристијан за храброста и упосноста и му посака Богојавленскиот крст да му донесе здравје, радост,среќа и благосостојба. Покрај езерото во хотелот Белви каде свештениците од црквата Св. Константин и Елена го положија светиот крст, беа присутни голем број верници, граѓани кои ја следеа церемонијата на осветувањето на водите. Оваа година околу 25 верници беа пријавени за скокање по светиот крст во општина Илинден.
