Со завршна приредба детската градинка ,,Гоце Делчев” од општина Илинден испрати уште една генерација во прво одделение. Со драмска претстава за Црвенкапа и волкот, песна и игра идните првачиња, кои од септември ќе седнат во училишните клупи, се поздравија со своите воспитувачки.
Градоначалникот на Општина Илинден, а воедно и претседател на Советот за развој на Скопски плански регион, Александар Георгиевски денеска ја одржа дванаесеттата седница на која меѓу точките беше, избор за директор на Центарот за развој на Скопски плански регион.
Градоначалникот на Општина Илинден, Александар Георгиевски оствари работна средба со претставници од фондацијата Westminster како и пратеници од Собранието на Република Македонија, кои се дел од Клуб на млади пратеници, претставниците на Локален младински совет во општина Илинден, како и претставници од Советот на Општина Илинден.
Учениците од ООУ ,,Браќа Миладиновци” од Миладиновци го одбележаа патрониот празник на училиштето со богата музичка програма во име на среќата и безгрижната игра.
Во општина Илинден се одржа уште една успешно спроведена крводарителска акција која се реализира во соработка со Црвениот крст и Институтот за трансфузиона медицина, во просториите на Домот на култура „Илинден”. На оваа крводарителска акција граѓаните од општина Илинден уште еднаш ја покажаа својата хуманост на дело со дарување на крв.
Средното општинско стручно училиште ,,Илинден” од општина Илинден, денеска ширум ги отвори вратите за сите заентересирани кои сакаат да се запознаат со условите за запишување во ова училиште.