Prijavi problem

Советот даде согласност за реализација на три капитални проекти

Објавено на: 25.07.2018 - 13:01

Советот на општина Илинден на својата 11. редовна седница донесе одлуки за утврдување на приоритет и давање на согласност за намена на инвестиции за три капитални проекти. Станува збор за проектите „Изградба на локален пат за поврзување на н.м Бујковци со локален пат н.м Ајватовци - н.м Мршевци“, „Изградба на пешачка патека за поврзување на населено место Марино (улица „500“)  со населено место Кадино (улица „11“)“ и проектот „Прифаќање и третман на отпадни води за населено место Кадино“, со кои општината ќе аплицира за обезбедување на средства.

На седницата, покрај другото, советниците ја разгледаа и информацијата за безбедносната состојба во Општината што ја поднесоа присутните претставници на Министерството за внатрешни работи. Состојбата беше оценета како добра и на  задоволително ниво, при што посебно се нагласи подобрувањето на безбедноста во сообраќајот.

Советниците донесоа одлука за востановување на општинско признание „Клуч од Општината“. Ова признание се  доделува на правни и физички лица кои со својата поддршка на локалната самоуправа придонеле за побрз развој на Општината во спроведувањето на нејзините планови и активности за овозможување подобри услови за живеење, подобрување на животниот стандард и квалитетот на животот на граѓаните на општина Илинден.

Остави коментар

Податоците од ова поле нема да бидат никаде јавно објавени.
  • Адресите на web страниците и e-mail адресите автоматски се претвораат во линкови.
  • Автоматско додавање на нов ред.
  • You may use [swf file="song.mp3"] to display Flash files inline

Повеќе информации во врска со опциите за форматирање

Image CAPTCHA
Внесете ги карактерите прикажани на сликата.

Следете не на...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Видео

Свечено одбележан Денот на општина Илинден "Илинден 2-ри Август“
ilinden.gov.mk © 2013