Prijavi problem

Со над 750 учесници успешно реализиран Спортски викенд „Илинден 2018“

Published on: 24.07.2018 - 12:14

Во рамките на одбележувањето на патрониот празник на општина Илинден "Илинден 2-ри Август“ и националниот празник на македонскиот народ, општина Илинден успешно го реализираше јубилејниот 10. по ред Спортски викенд „Илинден 2018“, под мотото „Ние навиваме за Македонија“. На оваа спортска манифестација учествуваа над 750 спортисти кои се натпреваруваа во повеќе спортови: велосипедизам, шах, баскет, тенис, атлетика, хокеј и голем фудбал.

Централен настан на Спортскиот викенд беше професионалната велосипедска трка во должина од 100 километри „Трофеј Илинден 2018”, која што е влезена во календарот на велосипедски трки на Велосипедската федерација на Македонија и се бодува за купот на нашата земја.

Велосипедистите возеа 4 круга низ населените места на Општина Илинден: Илинден, Марино, Ајватовци, Мршевци, Дељадровци, Текија, Миладиновци и Кадино, а должината на еден круг беше 25 километри. Традиционално, како вовед во главната трка се одржа рекреативна велосипедска трка во должина од 5 километри, во која учествуваа околу 250 граѓани од сите возрасти, со што стана една од најмасовните досега.

Меѓу 38 шахисти на многу силниот шаховски турнир се најдоа и шестмина фиде мајстори, а особен интерес предизвикаа натпреварите во атлетика на кои учествуваа над 300 ученици, младинци и дечиња од градинката „Гоце Делчев“ кои му дадоа посебен белег на ова натпреварување.

Во рамките на Спортскиот викенд се одржа и ревијален натпревар во фудбал во кој меѓусебно играа две екипи составени од фудбалерите на трите фудбалски клубови од општина Илинден кои што се натпреваруваат во Третата фудбалска лига, ФК „Илинден“, ФК „Кадино“ и ФК „Марино“.

 Покрај редовните турнири во баскет и тенис, годинава по втор прв пат во рамките на Спортскиот викенд „Илинден 2018“ се одржа ревијален натпревар во хокеј на ролерки на кој учествуваа повеќемина репрезентативци на Македонија.

Покровител на манифестацијата беше градоначалникот на општина Илинден, Жика Стојановски, кој на најдобрите екипи и поединци им додели соодветни награди и признанија.

Post new comment

The content of this field is kept private and will not be shown publicly.
  • Web page addresses and e-mail addresses turn into links automatically.
  • Lines and paragraphs break automatically.
  • You may use [swf file="song.mp3"] to display Flash files inline

More information about formatting options

Image CAPTCHA
Enter the characters shown in the image.

Find Us On...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Теми во фокусот на вниманието

Видео

Свечено одбележан Денот на општина Илинден "Илинден 2-ри Август“
ilinden.gov.mk © 2013