Голем успех на младите истражувачи од Средното општинско стручно училиште „Илинден“

Учениците од Средното општинско стручно училиште „Илинден“ постигнаа извонредни резултати на овогодинешните натпревари на млади истражувачи од Република Македонија-Наука на млади, што по 53 пат се одржа во Куманово.

Ученикот од четврта година Марио Наумовски за својот проект „Уред за далечинска контрола на мрежни потрошувачи“,  освои златен медал и го потврди првото место од државните натпревари на електротехничките, машинските и сообраќајните училишта во Република Македонија. Како признание и награда за својот успех доби повеќедневно научно патување во Република Словенија.

Ученикот Филип Витковски, исто така од четврта година, освои 3 место со  проектот „Конструкција и управување на лифт со програмабилен логички контролер“ и се закити со бронзен медал. 

Со своето учество на натпреварот, училиштето успешно го претставија и ученичките  Симона Симоновска со проектот „Веб базиран дневник за патување во Европа“ и Мартина Марковска со проектот „Питагора и Питагорова теорема“.