Prijavi problem

Потпишан меморандум за соработка меѓу Факултетот за електротехника и информациски технологии и Средното училиште „Илинден“

Published on: 25.04.2017 - 12:28

Општина Илинден и средното општинско стручно училиште (СОСУ) „Илинден“ потпишаа меморандум за соработка со Факултетот за електротехника и информациски технологии (ФЕИТ) со кој со заеднички активности ќе се поттикнува создавањето на квалитетен кадар.

Меморандумот за соработка го потпишаа градоначалникот на Општина Илинден, Жика Стојановски, деканот на ФЕИТ, Димитар Ташковски и директорот на СОСУ „Илинден“, Зоранче Арсовски. 

Со потпишување на меморандумот се очекува зголемување на квалитетниот кадар во Македонија и поттик за негова надградба преку размена на искуства на наставниот кадар, смислување заеднички проекти и меѓународни натпревари, но и задржување на младите во државата преку идеи и поддршка за создавање сопствен бизнис.

– Задржувањето на младите во Македонија треба да почне уште веднаш. Ние како општина имаме меморандуми со неколку компании кои треба да влезат во производство, и затоа сметам дека ова е одлична  можност и за компаниите да ги поддржат квалитетните кадри уште како ученици во средното образование,  па понатаму преку Факултетот да се затвори кругот на нивното образование, кога компаниите би ги преземале како свои вработени. Фирмите би можеле да ги следат младите уште додека учат средно образование, да им овозможат обуки или, стипендии додека се на факултет, за на крај да имаат веќе готов квалитетен кадар, изјави градоначалникот на Општина Илинден, Жика Стојановски.

Според деканот на ФЕИТ, Димитар Ташковски, овој меморандум е една почетна точка и за училиштето, и за факултетот.

-Во неколку насоки сакаме да ги подобриме условите за работа и на учениците, и на студентите, преку заеднички проекти, литература, опрема, организирање семинари, натпревари и обуки, и  не само за нив, туку и за професорите и наставниците. Нашата идеја е да создадеме што поповолни услови и да ги охрабриме младите да почнат сопствен бизнис, бидејќи тие се полни со квалитетни идеи, изјави деканот на ФЕИТ, Димитар Ташковски.

Post new comment

The content of this field is kept private and will not be shown publicly.
  • Web page addresses and e-mail addresses turn into links automatically.
  • Lines and paragraphs break automatically.
  • You may use [swf file="song.mp3"] to display Flash files inline

More information about formatting options

Image CAPTCHA
Enter the characters shown in the image.

Find Us On...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Теми во фокусот на вниманието

Видео

ИНВЕСТИЦИСКИТЕ ПАТИШТА ВОДАТ КОН ОПШТИНА ИЛИНДЕН
ilinden.gov.mk © 2013