Промовирана стихозбирката „Песна на ридот“ од Гордана Михаилова Бошнакоска

Во Домот на култура „Илинден“ во рамките на 18-та Литературна манифестација „Илинден 2017“ беше промовирана стихозбирката „Песна на ридот“ од нашата позната поетеса Гордана Михаилова Бошнакоска.

За пораките што ги носи оваа стихозбирка, како и за творештвото на Михаилова Бошнакоска пригодна реч одржа писателот Иван Чаповски. Промоцијата беше збогатена со стиховите од стихозбирката „Песна на ридот“, во прекрасна изведба на Антонио Павловски.