Prijavi problem

Ние инвестираме во Македонија!

18.05.2012 |

Хуманитарна помош за Домот за деца без родители „11 Октомври“ и Советодавниот центар при СОС Детско село

Градоначалникот на Општина Илинден, Жика Стојановски го посети Домот за деца без родители „11 Октомври“ при што на штитениците на Домот им додели повеќе парчиња облека.  Како дел од хуманитарната помош што граѓаните на Општина Илинден ја собраа во рамките на Хуманитарната акција за собирање на облека и стара хартија „Да ја покажеме хуманоста на дело“, облека им беше доделена и на децата и семејствата во Советодавниот центар при СОС Детско село. Дел од облеката, пак, беше доставена и до Црвениот крст при Општина Гази Баба.

Проект за запознавање на најмладите со фудбалската игра

Општина Илинден и Фудбалската Федерација на Македонија на 18.05.2012 година (петок), на помошното фудбалско игралиште „Македонски бранители“ во н.м. Марино, со почеток од 09:30 часот ќе го реализираат Проектот ГРАСРУТ.

Станува збор за проект кој има за цел омасовување на фудбалот во нашата држава, да ги привлече децата да го засакаат фудбалот, да почнат да ја играат оваа игра, и секако подоцна да тренираат фудбал.

15.05.2012 |

Во Акцијата „Да ја покажеме хуманоста на дело“ собрани над 15.000 парчиња облека во Општина Илинден

Со цел да им помогне на семејствата соочени со соодветен социјален ризик, а по повод Светскиот Ден и неделата на Црвениот крст, под мотото „Да ја покажеме хуманоста на дело“ Општина Илинден од 7 до 13 мај организираше Хуманитарна акција за собирање на облека и стара хартија.

Притоа, на 12-те собирни центри во домовите на културата во населените места собрани се над 15.000 парчиња облека, податок што самиот за себе зборува дека акцијата ја постигна целта

14.05.2012 |

Објави: Мај/Јуни

ОБЈАВА за отуѓување на градежно земјиште сопственост на Република Македонија по пат на електронско јавно наддавање за изградба на Г2-лесна и незагадувачка индустрија со компатибилни класи на намени Г3, Г4, Б1 и Д2

Прв тениски турнир за аматери „Илинден 2012“

Во организација на Општина Илинден на 12 и 13 мај 2012 година, на новоизградените тениски игралишта ќе се одржи Првиот тениски турнир за аматери „Илинден 2012“ .

Турнирот ќе биде отворен во сабота во 17 часот, а во недела тениските дуели ќе продолжат во 18 часот. На турнирот ќе учествуваат аматери на возраст од 16 до 35 години, кои што не се членови на тениски клубови.

ИЗВЕСТУВАЊЕ И ПОКАНА ЗА УЧЕСТВО НА ЛИТЕРАТУРНА МАНИФЕСТАЦИЈА „ИЛИНДЕН” 2012

Општина Илинден годинава по тринаесетти пат ја организира Литературната манифестација „ИЛИНДЕН“ што ќе се одржи на 31 мај 2012 година.

На Манифестацијата ќе настапат голем број на поети и прозаисти, додека под мотото: ,,СЛОБОДНИ ПОЕТСКИ ДЕНОВИ” своја платформа за афирмација ќе имаат и младите поети. 

Најава: 13-та Литературна Манифестација „Илинден“ 2012

Со чест ја најавуваме традиционалната Литературна Манифестација „Илинден“, на ден четврток 31 Мај 2012г.

10.05.2012 |

„Џонсон Мети“ почна да гради нова фабрика во ТИРЗ Скопје 1 во Општина Илинден

Британската компанија „Џонсон Мети“ почна со изградба на својата втора фабрика за автомобилски катализатори  во индустриската зона „Скопје 1“, во Општина Илинден. Инвестицијата вредна 60 милиони евра со која двојно ќе се зголеми производството, ќе овозможи отворање на 100 нови работни места.

09.05.2012 |

Жителите се помасовно се вклучуваат во Хуманитарната акција за собирање на облека и стара хартија „Да ја покажеме хуманоста на дело“

Жителите на Општина Илинден се помасовно се вклучуваат во Хуманитарната акција за собирање на облека и стара хартија  „Да ја покажеме хуманоста на дело“.

Со цел да се запознае со текот на акцијата која што стартуваше на 7-ми, а ќе трае до 13-ти мај, градоначалникот на Општина Илинден, Жика Стојановски посети неколку собирни места при што на самото место беше информиран за интересот што го пројавуваат граѓаните за оваа хуманитарна акција.

09.05.2012 |

ОУ “Гоце Делчев“ го одбележа патрониот празник

Пред голем број гости, родители и ученици, во преполната спортска сала во населба Илинден, основното училиште “Гоце Делчев“ на свечен начин го одбележа патрониот празник.

Извонредната приредба исполнета со фолклор, драмски точки, ритмички вежби, рецитал посветен на најголемиот македонски визионер Гоце Делчев, ја воодушеви публиката која со бурни аплаузи ги наградуваше учениците.

Следете не на...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Видео

ЛИТЕРАТУРНА МАНИФЕСТАЦИЈА „ИЛИНДЕН 2018“
ilinden.gov.mk © 2013