Prijavi problem

Ние инвестираме во Македонија!

05.07.2011 |

Поддршка од УСАИД за капиталниот проект “10 Домови на културата“

 Во соработка со УСАИД, Општина Илинден почна со опремување на реконструираните домови на културата во рамките на реализацијата на капиталниот проект “10 Домови на културата“. Досега комплетно се реконструирани и предадени во употреба домовите на културата во Кадино, Мршевци и Бучинци, при крај е реконструкцијата на домовите на културата во Бујковци и Текија, а наскоро ќе почне санацијата и реконструкцијата и на домовите на културата во Ајватовци, Бунарџик, Дељадровци и Мралино. Истовремено, во тек е и изградбата на новиот дом на културата во нас. Илинден.

Нов софтвер за енергетска ефикасност и мониторинг за јавни објекти

 Општина Илинден во соработка со УНДП и Министерството за животна средина и просторно планирање  го реализира проектот за употреба на новиот софтвер за енергетска ефикасност и мониторинг на јавните објекти.

29.06.2011 |

Предаден во употреба нов деловен објект на “Униор комерц“

 Во присуство на голем број деловни партнери и гости, во Општина Илинден на свечен начин беше предаден во употреба новиот деловен објект на “Униор комерц“. Станува збор за деловен објект со три нивоа, со површина од околу 1.300 метри квадратни, во кој се наоѓа продажен салон на површина од 380 метри квадратни, магацински простор од околу 400 метри квадратни, како и административен дел и сала за состаноци. Вкупната инвестиција е 1,5 милиони евра, а во новите простории се вработени 14 лица.

27.06.2011 |

Општина Илинден обезбеди меѓународно признаен кредитен рејтинг

На Општина Илинден и официјално и е доделен меѓународно признаен кредитен рејтинг. Во рамките на Проектот на УСАИД, во соработка со Македонскиот Центар за финансиска обука (МЦФО) кредитниот рејтинг е изготвен од реномираната меѓународна кредитна агенција Moodi,s Investor Services.

22.06.2011 |

Успешно реализирана акцијата за дарување на крв во Општина Илинден

 Во организација на Црвениот крст на Република Македонија, во просториите на Општина Илинден успешно се реализираше акција за дарување на крв. Според Црвениот крст, ова е една од досега најуспешната акции за дарување на крв во Општина Илинден, во која 28 крводарители ја даруваа драгоцената течност што значи живот.

Акција за дарување на крв во Општина Илинден

Во организација на Црвениот крст на Република Македонија на 21.06.2011 година (вторник) во Општина Илинден ќе се спроведе акција за дарување на крв. Крводарителите ќе можат да ја даруваат драгоцената течност што живот значи, во просториите на Општината од 9.00 до 14.00 часот.

Оглас за Јавна расправа за Окта Рафинерија на нафта АД Скопје

 Се информира јавноста дека инсталацијата ОКТА Рафинерија на нафта АД Скопје, н.м. Миладиновци, општина Илинден, 1000 Скопје, дека согласно член 95 став 1 и член 135, член 108 став 1 и 2 од Законот за животна средина (Службен весник на РМ 53/05, 81/05, 24/07, 159/08, 83/09, 48/2010, 124/2010 и 51/2011) и согласно член 5 став 1 од Уредбата за определување на активностите на инсталациите за кои се издава интегрирана еколошка дозвола, односно дозвола за усогласување со оперативен план (службен весник на РМ 89/2005) достави Барање до Министерство за животна средина и просторно планирање за добивање на А дозвола за усогласување со оперативен план. По завршување на целосната процедура МЖСПП изготви Нацрт А дозвола за усогласување со оперативен план за ОКТА Рафинерија на нафта.

16.06.2011 |

Доделени дипломите за завршените бесплатни курсеви во рамките на Општинскиот културен едикативен центар “Илинден“

 Во основното училиште “Гоце Делчев“ во нас. Илинден, на свечен им беа доделени дипломите на учениците што ги завршија бесплатните курсеви во рамките на Општинскиот културен едикативен центар “Илинден“.

06.06.2011 |

Предадено во употреба реконструираното игралиште за мал фудбал и ново детско игралиште во Мралино

 Bо населеното место Мралино на свечен начин беше предадено во употреба реконструираното игралиште за мал фудбал, како и новоизграденото детско игралиште.

Двете игралишта што се наоѓаат во состав на подрачното основно училиште “Ристо Крле“, во употреба ги предадоа градоначалникот на Општина Илинден, Жика Стојановски и претседателот на Советот, Марјан Милошевски.

Следете не на...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Видео

Водици 2017 во Општина Илинден
ilinden.gov.mk © 2013