ОБЈАВА за отуѓување на градежно земјиште сопственост на Република Македонија по пат на електронско јавно наддавање за изградба на Г2-лесна и незагадувачка индустрија со компатибилни класи на намени Г3, Г4, Б1 и Д2

Градоначалникот на Општина Илинден, Жика Стојановски го посети Домот за деца без родители „11 Октомври“ при што на штитениците на Домот им додели повеќе парчиња облека.  Како дел од хуманитарната помош што граѓаните на Општина Илинден ја собраа во рамките на Хуманитарната акција за собирање на облека и стара хартија „Да ја покажеме хуманоста на дело“, облека им беше доделена и на децата и семејствата во Советодавниот центар при СОС Детско село. Дел од облеката, пак, беше доставена и до Црвениот крст при Општина Гази Баба.

Општина Илинден и Фудбалската Федерација на Македонија на 18.05.2012 година (петок), на помошното фудбалско игралиште „Македонски бранители“ во н.м. Марино, со почеток од 09:30 часот ќе го реализираат Проектот ГРАСРУТ.

Станува збор за проект кој има за цел омасовување на фудбалот во нашата држава, да ги привлече децата да го засакаат фудбалот, да почнат да ја играат оваа игра, и секако подоцна да тренираат фудбал.

Со цел да им помогне на семејствата соочени со соодветен социјален ризик, а по повод Светскиот Ден и неделата на Црвениот крст, под мотото „Да ја покажеме хуманоста на дело“ Општина Илинден од 7 до 13 мај организираше Хуманитарна акција за собирање на облека и стара хартија.

Притоа, на 12-те собирни центри во домовите на културата во населените места собрани се над 15.000 парчиња облека, податок што самиот за себе зборува дека акцијата ја постигна целта

Во Општина Илинден стартуваше Првиот тениски турнир за аматери „Илинден 2012“ . 

На новоизградените тениски игралишта, на свечен начин турнирот го прогласи за отворен градоначалникот на Општина Илинден, Жика Стојановски. 

Во организација на Општина Илинден на 12 и 13 мај 2012 година, на новоизградените тениски игралишта ќе се одржи Првиот тениски турнир за аматери „Илинден 2012“ .

Турнирот ќе биде отворен во сабота во 17 часот, а во недела тениските дуели ќе продолжат во 18 часот. На турнирот ќе учествуваат аматери на возраст од 16 до 35 години, кои што не се членови на тениски клубови.

Општина Илинден годинава по тринаесетти пат ја организира Литературната манифестација „ИЛИНДЕН“ што ќе се одржи на 31 мај 2012 година.

На Манифестацијата ќе настапат голем број на поети и прозаисти, додека под мотото: ,,СЛОБОДНИ ПОЕТСКИ ДЕНОВИ” своја платформа за афирмација ќе имаат и младите поети.